.....لقاء ووداع ....


فيه حاجات كتير في قلوبنا ... حاجات ممكن نقولها وحاجات صعب علينا نقولها بسهول
وحاجات لينا احنا بس..... هتفضل في قلوبنا للأبد ومش هنقدر ابدا نقولها ....


ناس كتير نسيناها وهما كمان نسيونا

وناس جرحناهم ومحسناش بيهم
وناس جرحناهم واتألمنا ليهم
وناس تانية جرحناهم ونسيناهم وهما لسة بيعانوا بسببنا .


وناس حولينا لسه منعرفهومش و هم بيفتكرونا كل لحظة.

وناس تانية بالنسبالنا حياه وإحنا بالنسبلهم
مجرد لحظه اكتشاف!
ويمكن نفضل بالنسبلهم شئ مجهول للأبد!


ناس بيفكروا فينا بالليل واحنا نايمين
وناس احنا بنفكر فيهم بالليل وهما نايمين

وناس تانية بتفكر فى بعضها بالليل ويمكن بيشتاءوا
لبعض فى نفس اللحظة بس للأسف .... يمكن يفضلوا طول عمرهم مش عارفين.


ناس لسه مقبلنهاش وهما هيبقوا لينا بكره
وبعده وبعده ويمكن يبقوا كل حاجه


ناس بالنسبالنا أمل وحياه وناس تانيه حايتنا
كانت هتبقي احلي من غيرهم.


ناس بيدوروا علينا ........ وناس تانيين احنا بندورعليها.


ناس ضهرنا ليهم وهما ضهرهم لينا واحنا فـ امس الحاجة ليهم وهما اكتر فـ امس
الحاجة لينا


حاجات فهمناها غلط وإكتشافناها بعد عمر
... وحاجات فسرناها غلط وهنفضل فاهمنها غلط طول العمر ..
وحاجات تهمنا اوى بس مش هنعرفها ابدا ولا بعد ميت عُمر ....


وحبينا ناس وهما ميستهلوش كدا ..... وكرهنا ناس وهما مايستهلوش كدا


وناس حبتنا اوى واحنا منستهلش كل الحب دا
وناس كرهتنا عشان مش هتقدر تحبنا
وناس تانية حبيناهم عشان مقدرناش نكرهم


وناس من بعيد حاجة ومن قريب حاجة تانية


وناس ظلمناهم بكلامنا وناس تانية خدعونا بكلامهم


ناس خانت ناس عشان ناس تانيين
وناس ضحت بناس وفيتلها سنين
وناس ضحت بحياتها وعمرها لناس "باردين"


قربنا من ناس كان لازم نبعد عنهم وبعدنا
عن ناس كان لازم اوي نقرب منهم .


ناس وجودنا فرق معاهم كتير
وناس وجدهم فرق معانا كتير


ناس مشيت وسابتلنا ابتسامة
وناس مشيت وسابتلنا دمعة

وناس مشيت وأخدت قلوبنا معاها وسابتنا
اجساد فى بلاد "مهجورة"!


ناس آلامهم لينا كانت بتسعدنا
وناس آلمنا ليهم كانت بدمرهم
ومبقاش ليهم فى الحياه - بسببنا - غير قلوبهم المكسورة


ناس ياما استنيناهم باقلنا عمر ..... وهما
بيستنوا ناس تانيين باقلهم عمر.... وناس تانيــــــــــــــــــــــن خالص كانوا
بيشتاقوا لينا -اوى- طول العمر.


ناس قابلناهم مره واحدة ولما مشيو.... سابو
فى حياتنا فراغ كبيـــــــــــــــــــــر.


وناس نفسنا نشوفهم مره تانية...
وناس "هنموت" ونشوفهم مرة تانية
وناس بنستناهم واحنا عارفين انهم مش راجعين –ابدا- مرة تانية. .


ناس سابتلنا ذكرياتها الجميلة وناس سابتلنا ذكريات مؤلمة
وناس بندورعلي حد يمكن يكون زيهم عشان هما الذكريـــــــــــــــــات الجميلة والمؤلمة.....!!!!


ناس قابلناها امبارح و ناس مشيوا إمبارح


..... ناس صادفناهم النهارده وناس ودعناهم النهاردة ....


ناس هنعرفهم بكرة وهيبقوا ذكرايتنا الجديدة وناس بكرة لما نتكلم عليها هنبكى -اوى-
ونقول
" يااااااااااااااه ... ديه كانت أجمل ذكريـــــــــــات إمبارح"!!





لقاءٌ ووداع

ونقول
" يااااااااااااااه ... ديه كانت أجمل ذكريـــــــــــات إمبارح"!!
فعلا دى كانت أجمل ذكريات بس بقت ذكريات حاجات بفتكرها بس معتدتش واقع فى دنيا بقى الواقع فيها الألم والجرح وبس ومعدتش فيها حاجة حلوة ولا حتى ناس حلوة
موضوع جميل قوووووووووى ياعمور أنا فعلا كنت بفكر النهاردة ياترى أخلينى أنطوائية زى ما كنت ولا أفضل أجتماعية زى ما خلونى وأفضل أعانى كتير وأتحمل نتيجة أختيارى
بجد موضوع ملوش وصف ورااااااااااااااااااااااائع قووووووووووووووى
وده مش جديد عليك طبعا
طول عمرك متميز بمواضيعك
بتغيب تغيب وفجأة تتطلع بموضوع غاية فى الروعة
ربنا يوفقك ويسعدك
أسفة على الأطالة





لقاءٌ ووداع

بصراحة يا عمور

جميلة ، رهيبة ، تحفة
كل ده مش كفاية
وكمان جت اميرة الطفولة وعلقت على كل مقطع بطريقة لذيذة وجميلة
ربنا يكرمك يا عمور

ناس وجودنا فرق معاهم كتير
وناس وجدهم فرقمعانا كتير

معاك حق في الكلام ده في ناس بجد يفرق معانا وجودهم
يمكن مايحسوش كده وممكن يعتبروها تفاهه منك
بس لو حسو الي فيك هيعرفو معنا انك تكون جمب حبيبك



وناس مشيت وأخدت قلوبنا معاها وسابتنا
اجساد فى بلاد "مهجورة"!
بالنسبة لدو بقى وضع تاني
لان ممكن يعملوها وهما مش حسين وهما مش عارفين

ناس آلامهم لينا كانت بتسعدنا
وناس آلمنا ليهم كانتبدمرهم
ومبقاش ليهم فى الحياه - بسببنا - غير قلوبهم المكسورة

لا تعليق




بجد تسلم اييييييييييدك على الابداع ده