صباح وطن راح ومالوش رجوع

[center] صباح الوجع.. صباح الدموع..
صباح وطن راح ومالوش رجوع.
الكلام مبقالوش معني، والسكوت ممنوع،
يعمل إيه القلم في الألم، ولا الإيواء والخيام في خوف مزروع.
مش عارف أكتب.. خجلان، مكسوف، غضبان..
مستكتر علي نفسي أصحي في شقة، مقفول علي باب، عندي تليفزيون وعربية..
يعني عايش في رفاهية، بتفرج علي المسلسلات، بتابع الحكايات، والفارس هشام اللي دوب قلوب البنات
ودفع ملايين الدولارات لأن قلبه وجعه، ماستحملش الفراق فقتل أو حرض أو محرضش
.. كلنا عايشين بنتسلي، وبكتب في غرف مكيفة، وبنزعل لو الكهربا انقطعت..
بنسهر علي الكافيهات، وبنتناقش رمضان أحلي في مارينا ولا في شرم.
كل يوم نصحي علي مصيبة، كارثة، ناس بتموت، ياريت بتموت مرة واحدة،
تموت وهي نايمة أو واقفة أو حتي في المستشفي، مش كفاية كانوا عايشين ميتين؟!
لا، يموتوا لحظة لحظة، يتفرجوا علي نفسهم وهما بيغرقوا في البحر بالآلاف.
. حسوا بقي، ناس بتموت وهي ماسكة الحياة، ناس بتموت وهي كارهاكم وكارها فسادكم،
بتلعنكم، وتدعي عليكم ينتقم منكم، لكن ربنا مابيستجبيش، سبحانه له حكمة منعرفهاش.
كل بلد بتحصل فيه مصيبة كل فترة.. مرة في السنة، مرتين، لكن بلدنا لأ، مابيعديش يوم بدون مصيبة
، والغريبة يا أخي المصايب ماتعرفش غير الفقرا في البلد دي.. الحزب الوطني دبح عجل واتنين
.. تعرف أكلهم ولا وزعهم في الشنط؟.. الحزب بيدبح غلط، الحزب لازم يدبح!
في حضن الجبل، كان دافي، بقي مقبرة جماعية بلا فخر، كل مقابرنا جماعية، في الجو والبحر وفي المقطم
.. بتشتكوا إن المقابر غالية نار، أهو الحزب الوطني وفرها لكم رخيصة رخص التراب
، التراب رخيص وأنتم أرخص، تنكروا إنكم من تراب؟!
«مخيمات الإيواء تداوي أحزان منشأة ناصر».. يا حاقدين، المخيمات داوت جراحهم
، إيه يعني أسرة مات منها عشرين، ولا أم سامعة صراخ ابنها: «يا أمة التراب بيدخل عينا، ملا زوري يا أمه».
. «يا حبيب يا بني يا ضنايا، مش عارفه أجيلك، يا ناس يا هو ابني تحت، جوزي، أخويا، أهلي»، خلاص يا ستي، وفرنا لكم خيم إيواء، كمان ظهرت شقق فجأة هنديها لكم آخر الشهر، مستعجلين ليه، هما بتوع الزلزال مش استلموا الشقق؟ وقلعة الكبش قريب، أنتم في القلب، الرئيس شخصيا مهتم، أمر بمساعدتكم، بمساعدة الشعب
الكامن تحت الأنقاض.قلبي عليك يا شعب مصر، يا أهلي وناسي.. يا وجع عايش يقاسي،
ليه أنا حيران وزعلان وغضبان، مع إني ميت من زمان، لكن كنت ناسي!
مقال الكاتب : خيرى رمضان

جامد اوى التوبيك يا جولدن
_________________

my site web
http://eng-dodo.yoo7.com/

لا والله جميل جدا يا حبى
مشكور عليك انك جبت المقال دة لا سناذنا خيرى رمضان
وواجب عليا انى اثبته
سلااااااام يا بو حميد
وكل سنة وانته طيب
ليدر
_________________

leader of mansoura

(يا ايها الذين امنوا لا ترفعوا اصواتكم فوق صوت النبى ولا تجهروا له بالقول كجهر بعضكم لبعض ان تحبط اعمالكم وانتم لا تشعرون ..)
صدق الله العلى العظيم

تحفة تحفة بجد المقال ياجولدن
وانا شخصيا بحب كتابات استاذ خيرى رمضان جدا
ومتابعة بريد الجمعة معاه ومن قبله ايام استاذ عبد الوهاب مطاوع الله يرحمه
شكرا ليك ياجولدن وعاوزين من ده كتيييييييييييييييير
_________________

أصل البشر إنسان ... كل الرسل اخوان
موسى وعيسى ومحمد ...بيرفضوا العدوان
اطفال شيوخ نساء ... تصرخ ومحدش سامع
اشلاء دماء شهداء ... وضمير العالم ضايع
سنقاوم مهما قالوا ... ارهابا او عدوان
لن يهدأ قلبا فينا ... حتى نلقى الجبناء

بجد مقال رائع
فعلا احنا في مرحله وحشه وصلنا لدرجه قاسيه اوي
بجد حرام اننا ساكتين علي كل اللي بيحصل ده
المفروض يكون لينا وقفه بقه
كفايه دمار
كفايه
_________________
عرفت ابكي من الفرحه
عرفت اضحك من الاحزان
عرفت ان الدموع ارحم واصدق من يواسيني
عرفت ان الوهم دربي ولابه من يقدرني
عرفت الانتظار اصعب
عرفت ان الوعد نسيان
عرفت ان العيون اللي بكت لي
جت تبكيني
[img]

جاااااااااااااااامد جدا يا جولدن
هو ده حالنا
ربنا يستر ونكمل
_________________

قبل أما احبك كنت واحد تاني خالص
قلبي ضايع مني
عرفتك انت عرفت قلبي
بقيت هموت لو غبت يوم عني